Foron meses difíciles na cidade da Coruña, no pasado deixa xa o descenso do equipo máis laureado de Galicia e a guerra, aínda aberta, coa Liga de Javier Tebas. Pese a todo, e con todo nestes meses negros para a historia deportivista, a afección coruñesa non da as costas ao equipo pese ao descenso de categoría a 2ªB.
Aínda quedan algo máis de dúas semanas para o comezo da liga, sen embargo, o número de abonados supera xa os 16.000 socios. Algo que demostra a fidelidade que ten a afección branquiazul co seu equipo. A afección mostrase emocionada, non é para menos, xa que a maioría dos integrantes do plantel que estivo no drama de segunda, quedase para intenar devolver ao equipo ao fútbol profesional. A cara visible deste sentimento, será o capitán e reflexo principal do deportivismo no céspede, Alex Bergantiños.
Hoxe, no primeiro partido da pretempada, os coruñeses enfrontaron ao Racing Vilalbés. O partido acabou con vitoria para os branquiazuis cun resultado de 0-3. Os goles correron a conta de Lara, Adrián e Celso Borges. Pese a que na primeira parte, o resultado foi o empate inicial, pronto na segunda metade chegou o primeiro gol de Javi Lara para o Deportivo tras un mal rexeite da defensa do equipo local, o segundo, obra de Adrián chegou nun saque de curruncho e a guinda ao pastel, encargouse poñela o “Tico” Celso Borges cun espléndido gol de falta directa.
Os próximos partidos do equipo coruñés nesta pretempada serán:
Mércores 30 de setembro, Deportivo da Coruña – CSD Arzúa (Riazor ás 18:00).
Sábado 03 de outubro, Bergantiños – Deportivo da Coruña (As Eiroas ás 19:00).
Sábado 10 de outubro, Deportivo da Coruña – Valladolid promesas (La Devesa ás 19:00).
A Bancada 